ਦਿਲ ਦੀ ਗੱਲ

ਰਾਤ ਲੰਘ ਜਾਵੇ ਗ਼ਮ ਦੀ ,

ਪਰ ਗੀਤ ਵਖਤ ਦਾ ਮੁੱਕ ਨਾ ਜਾਵੇ ,

ਇਹ ਅੱਜ ਜੋ ਯਾਦ ਹੈ ,ਦਿਲ ਦੀ ਗੱਲ ,

ਦਿਲ ਵਿੱਚ ਹੀ ਨਾ ਰਹਿ ਜਾਵੇ ,

ਰੇਤ ਵਰਗਾ ਹੈ ਸਮਾਂ ,

ਹਰ ਪਲ ਗੁਜ਼ਰਦਾ ਜਾਵੇ ,

ਪਰ ਤੇਰੀ ਯਾਦ ਮੇਰੇ ਕੋਲੋਂ ਨਾ ਜਾਵੇ ,

ਦਿਲ ਦੀ ਗੱਲ ਦਿਲ ਵਿੱਚ ਹੀ ਨਾ ਰਹਿ ਜਾਵੇ ,

ਇੱਕ ਕਲ ਸੀ ਜੋ ਹਰ ਪਲ ਸਾਥ ਸੀ ਤੇਰਾ,

ਪਰ ਅੱਜ ਇੱਕ ਬਹਾਰ ਜਿਵੇਂ ਜ਼ਿਕਰ ਹੈ ਤੇਰਾ ,

ਤੇਰੀ ਇਹ ਯਾਦ ਮੇਰੇ ਲਈ ਜ਼ਹਿਰ ਨਾ ਬਣ ਜਾਵੇ ,

ਦਿਲ ਦੀ ਗੱਲ ………………………………

ਸਮਾਂ ੳਚਾਂ ਨੀਵਾਂ ਇਹ ਕੰਡਿਆ ਵਰਗਾ ,

ਕੋਈ ਵੀ ਨਹੀਂ ਛੱਡਦਾ , ਚੁੱਭਦਾ ਨਵੇਂ ਜ਼ਖ਼ਮ ਦਿੰਦਾ,

ਫੁੱਲ ਸੀ ਜ਼ਿੰਦਗੀ ਮੇਰੀ ਫੁੱਲ ਵਾਂਗ ਨਾ ਮੁਰਝਾ ਜਾਵੇ ,

ਦਿਲ ਦੀ ਗੱਲ ……………………………………

ਹਰ ਪਲ ਯਾਦ ਕਰਾਂ ਤੈਨੂੰ ਹੋਰ ਕੁੱਝ ਨੀ ਸੁੱਝਦਾ ,

ਇਹ ਗੱਲ ਲੋਕਾਂ ਲਈ ਆਮ ਨਾ ਬਣ ਜਾਵੇ ,

ਹੋਰਾਂ ਵਾਂਗ ਜ਼ਿੰਦਗੀ  ‘ਲਖਵਿੰਦਰ’  ਦੀ ,

ਇਝ ਹੀ ਬਦਨਾਮ ਨਾ ਹੋ ਜਾਵੇ ,

ਦਿਲ ਦੀ ਗੱਲ ਦਿਲ ਵਿੱਚ ਹੀ ਨਾ ਰਹਿ ਜਾਵੇ ।